"Atletiko" murabbiyi: "Qanday qilib "Barselona" futbolchisi "Oltin to‘p"ni qo‘lga kiritmaganiga tushunmayapman"

Madridning "Atletiko" klubi bosh murabbiyi Diyego Simeone "Barselona" vingeri Rafinya Diasning o‘yinidan hayratda ekanini aytdi.

Braziliyalik futbolchi o‘z hisobiga gol yozdirib qo‘ydi va "ko‘k-anorranglilar"ga "matraschilar" ustidan muhim g‘alabani qo‘lga kiritishga yordam berdi (3:1).

"Rafinya - aql bovar qilmaydigan futbolchi. U istalgan joyda o‘ynay oladi: vinger, yarim himoyachi, hujumchi, hatto qanot himoyasida ham. U gol uradi, vaziyatlar yaratadi, pressing qiladi va yuguradi. U qanday qilib "Oltin to‘p"ni qo‘lga kirita olmaganiga tushunmayapman," - deya Simeonening so‘zlarini keltiradi Barca Universal.