Armaniston Milliy majlisida hokimiyat va muxolifat vakillari o‘rtasidagi siyosiy tortishuv ommaviy mushtlashuv bilan yakunlandi. Oqibatda parlament majlisini vaqtincha to‘xtatishga to‘g‘ri keldi.
29 oktyabr kuni hukmron «Fuqarolik shartnomasi» partiyasi deputati Taron Chaxoyan nutq so‘zlayotgan vaqtda muxolifatdagi «Kuchli Armaniston» fraksiyasi rahbari Narek Karapetyan bilan bahslashib qolgan.
O‘zaro haqoratlar va keskin tortishuv ortidan boshqa deputatlar ham janjalga qo‘shilgan. Vaziyat nazoratdan chiqib, parlament zalida mushtlashuv boshlangan.
Majlisga raislik qilgan Ruben Rubinyan dastlab tanaffus e’lon qilishdan bosh tortib, sodir bo‘layotgan voqealarni hamma ko‘rishi kerakligini aytgan.
Biroq deputatlar o‘rtasidagi to‘qnashuv kuchayib, ishtirokchilardan biri yerga yiqilgach, majlis vaqtincha to‘xtatilgan.
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
AQShning Rossiya bo‘yicha qarori Kiyevning umidlarini puchga chiqardi
