AQSh Davlat kotibi Marko Rubio Yevropa ittifoqchilariga Ukraina uchun xavfsizlik kafolatlari faqat tinchlik bitimi imzolangandan keyingina muhokama qilinishini ochiq aytdi. Bu haqda Politico nashri vaziyat bilan tanish bo‘lgan ikki yevropalik diplomatga tayanib xabar bermoqda.
Diplomatlarning xabar berishicha, Rubio Yevropa vakillariga Vashingtonning Ukraina bo‘yicha pozisiyasini bayon qilgan.
Rubioning ta’kidlashicha, AQSh Ukrainaga har qanday xavfsizlik kafolatlarini Rossiya bilan kelishuv tuzilgandan keyingina berishga rozi bo‘ladi, deydi diplomatlar. Ularning aytishicha, bu talab AQSh tomonidan yaqinda Kiyevga taqdim etilgan siyosiy va diplomatik takliflarda o‘z aksini topgan.
Boshqa bir yevropalik rasmiy Rubio Vashington uchun xavfsizlik kafolatlarining muhimligini ta’kidlagani va bu masala boshqa muzokara mavzularidan alohida ko‘rib chiqilayotgani haqida xabar berdi. Shuningdek, u AQSh ma’muriyati barcha asosiy masalalar bo‘yicha keng qamrovli va tezkor kelishuvga erishish tarafdori ekanini ta’kidladi.
Ayni paytda AQSh Davlat departamenti matbuot kotibi Tommi Pigott bu da’volarni rad etib, Rubioga oid bayonotlar "to‘g‘ri emas"ligini aytdi.
"Kotib Rubio va Tramp ma’muriyati xavfsizlik kafolatlari tinchlik kelishuvining bir qismi bo‘lishi kerakligini ochiq va shaxsiy tarzda ochiq aytdi", - dedi u.
Kelayotgan hafta O‘zbekistonda sovuq havo kutilmoqda
Rossiya Sibir daryolari suvini Markaziy Osiyo bilan bo‘lishmaydi — olimlar fikri
Migrantlardan norozi bo‘layotgan ekspertlarga qo‘liga supurgi olishni maslahat beraman — Sobyanin
