AQShda ikki oila 38 yil oldin ikkita yangi tug‘ilgan chaqaloqni chalkishtirib yuborganlikda gumon qilinayotgan kasalxonaga qarshi sudga da’vo arizasi bilan murojaat qilishdi.
Ushbu xato genealogik DNK testi tufayli aniqlangan.
Ma’lumotlarga ko‘ra, Kayl Baylin va Djeremi Morrison 1988 yil 26 yanvarda Shimoliy Dakota shtatining Grafton shahridagi Unity Medical Center tibbiyot markazida tug‘ilgan. Ular o‘sha kuni kasalxonada yagona chaqaloqlar edi. Da’vogarlarning ta’kidlashicha, o‘g‘il bolalar noto‘g‘ri ota-onalarga berilgan va 36 yildan ortiq vaqt davomida bir-birlarining biologik oilalarida tarbiyalangan.
Haqiqat Morrisonning xolasi deb hisoblagan ayol DNK testini topshirgandan so‘ng oshkor bo‘ldi. Natijalar Baylin uning jiyani ekanligini ko‘rsatdi. Oilalar allaqachon biologik o‘g‘illari bilan uchrashishgan, ammo erkaklarning o‘zlari hali uchrashmagan.
"Mening oilamda menga o‘xshagan hech kim yo‘q edi. Men qora sochli odamlarga to‘la oilada ajralib turadigan sarg‘ish bola edim", dedi Morrison.
Da’vogarlar sud hay’ati tomonidan sud qilinishini va 50 000 dollardan ortiq zararni qoplashni talab qilmoqdalar. Kasalxona javobgarlikni rad etadi va da’voni bekor qilishni so‘raydi, boshqa sabablar qatorida da’vo muddati tugaganini ham aytib o‘tadi. Tibbiyot markazi shuningdek, 1988 yilgi hujjatlar saqlanmaganini va o‘sha paytda u yerda ishlagan xodimlar ishdan bo‘shaganini ma’lum qildi.
Hindiston TIV Rossiya diplomatini chaqirtirdi
Rossiyada migrantlarni deportasiya qilish uchun asoslar kengaytirildi
1 avgustdan avtomobillar uchun gaz bepul bo‘ladi
