AQShda Ukrainadagi urushni tugatish bo‘yicha «aniq rejalar» bormi?

AQSh Ukrainadagi urushni tugatish bo‘yicha «aniq rejalar» borligini bildirdi.

AQSh vakillari Jared Kushner va Stiv Uitkoff Moskvada Vladimir Putin bilan Ukrainadagi urushni tugatish bo‘yicha «aniq rejalar»ni muhokama qildi. Bu haqda Oq uy ma’lum qildi. Takliflarning tafsilotlari hozircha oshkor etilmagan, Vashington ularni yaqin haftalarda taqdim etishini bildirgan.

Kreml muzokaralarni «foydali» va «konstruktiv» deb baholadi. Putinning maslahatchisi Yuriy Ushakovning aytishicha, Amerika tomoni ehtimoliy tinchlik kelishuvi bo‘yicha «bir nechta g‘oya»ni taqdim etgan. Shu bilan birga, uning so‘zlariga ko‘ra, Putin Rossiya urushda o‘z maqsadlariga erishishiga hanuz ishonmoqda.

Moskvadan so‘ng Kushner va Uitkoff Kiyevga yo‘l oldi. Ular bugun Vladimir Zelenskiy bilan uchrashishi kerak. Donald Tramp avvalroq AQShda «tinchlik g‘oyasi» borligini aytgan, ammo bu reja Ukraina tomonidan Rossiyaga hududiy yon berishni nazarda tutadimi yoki yo‘qmi, aniqlik kiritmagan.