AQSH-Isroil operasiyasi boshlanganidan beri Eron osmonida 104 ta dron zararsizlantirildi

Eronning havo mudofaasi tizimi 28 fevraldan beri Eron havo hududida 104 ta Amerika va Isroil dronlarini zararsizlantirdi.

Bu haqda Islom inqilobi qo‘riqchilari korpusi (IIQK) xabar bermoqda.

"Bugungi kunga qadar mamlakatning havo mudofaasi tizimlari 104 ta Hermes, Heron, Orbiter va MQ-9 dronlarini zararsizlantirdi", deyiladi bayonotda.

Ma’lumotlarga ko‘ra, bitta dron jangovar tayyorgarlik holatida ushlangan.

AQSh va Isroil 28 fevral kuni Eronga qarshi harbiy operasiya boshladilar. Tehron kabi Eronning yirik shaharlariga zarba berildi. Oq uy hujumni Tehrondan kelayotgan raketa va yadroviy tahdidlar bilan oqladi. Islom inqilobi qo‘riqchilari korpusi Isroildagi nishonlarga hujum qilib, keng ko‘lamli qasos operasiyasini e’lon qildi. Bahrayn, Iordaniya, Qatar, Quvayt, BAA va Saudiya Arabistonidagi AQSh nishonlariga ham zarba berildi. Eronga qilingan zarbalar natijasida Oliy Rahbar Oyatulloh Ali Xomeney va Islom Respublikasi rahbariyatidagi boshqa bir qancha muhim shaxslar halok bo‘ldi.