"AQSh Harbiy-dengiz kuchlarining boshqariladigan raketalarga ega kemalari “Ozodlik loyihasi” (Project Liberty) amaliyoti doirasida Ho‘rmuz bo‘g‘ozidan o‘tib, Fors ko‘rfazida harakatlanishni boshladi. AQSh qo‘shinlari hududda savdo kemalari tranzitini tiklash bo‘yicha sa’y-harakatlarga faol ko‘maklashmoqda.
Birinchi qadam sifatida, AQSh bayrog‘i ostidagi ikkita savdo kemasi Ho‘rmuz bo‘g‘ozidan muvaffaqiyatli o‘tdi va o‘z yo‘lini xavfsiz davom ettirmoqda", deya xabar berdi AQSh Markaziy qo‘mondonligi (CENTCOM) X ijtimoiy tarmog‘ida.
Avvalroq AQSh prezidenti Donald Tramp Ho‘rmuz bo‘g‘ozida qolib ketgan kemalarga yordam berish maqsadida “Ozodlik loyihasi” amaliyoti boshlanishini e’lon qilgan edi.
CENTCOM ma’lumotlariga ko‘ra, Ho‘rmuz bo‘g‘ozida kemalar qatnovini tiklash amaliyotiga raketa esmineslaridan tashqari 100 dan ortiq samolyot, 15 ming nafar harbiy hamda dronlar jalb qilingan.
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
«Urushmoqchimisan?» Zelenskiyning Belarusga yo‘llagan tahdidi G‘arbni hayratda qoldirdi
