Iqtisodiy jinoyatlarga qarshi kurashish yo‘nalishida Davlat xavfsizlik xizmatining Toshkent viloyati bo‘yicha boshqarmasi xodimlari tomonidan viloyat Ichki ishlar bosh boshqarmasi bilan hamkorlikda o‘tkazilgan tezkor tadbirda qalbaki pul tayyorlash va muomalaga kiritish bilan shug‘ullangan shaxslar jinoyat ustida qo‘lga olindi.
Xususan, Angren shahrida yashovchi, 1993 y.t. fuqaro o‘zining 1997 y.t. tanishi bilan til biriktirgan holda, shahardagi ko‘p qavatli uylardan birida joylashgan xonadonni ijaraga olib, qalbaki pul tayyorlashgan.
🔹 Ko‘zdan kechirish jarayonida ushbu manzildan yarim tayyor holatdagi 100 va 200 ming so‘mlik kupyuralardan iborat jami 79,8 mln so‘m miqdoridagi qalbaki pul mablag‘lari, “EPSON” rusumli rangli printer va uning bo‘yoqlari, shuningdek, kantselyariya jihozlari ashyoviy dalil sifatida olindi. Ta’kidlash lozim, mazkur shaxslar muqaddam sudlangan bo‘lsalarda, o‘z xatolaridan to‘g‘ri xulosa chiqarishmagan.
Holat yuzasidan qonunbuzarlarga nisbatan Jinoyat Kodeksining 176-moddasi 2-qismi “v” bandi bilan jinoyat ishi qo‘zg‘atilib, tergov harakatlari olib borilmoqda.
17 yoshli qiz o‘ldirilishi 52 yildan keyin fosh etildi: uning ota-onasi haqiqatni bilmay vafot etdi
Zelenskiy Putinga xabar yubordi
Xakerlar 27 milliondan ortiq o‘zbekistonlikning shaxsiy ma’lumotlari saqlangan bazani buzib kirdi
