Afg‘oniston ayollar va qizlarning ta’lim olishiga qo‘yilgan taqiqni olib tashlashni talab qilmoqda

Afg‘oniston Islom Amirligi tashqi ishlar vaziri o‘rinbosari Shir Muhammad Abbos Stanekzay ayollar va qizlarning ta’lim olishiga qo‘yilgan taqiqni olib tashlashga chaqirdi. Bu haqda Tolo yangiliklar portali xabar berdi .

Uning fikricha, davlat oliy rahbari buyrug‘i bilan kiritilgan taqiq shariat me’yorlariga to‘g‘ri kelmaydi.

“Bugun biz qirq millionlik mamlakatning 20 millioniga nisbatan adolatsizlik qilyapmiz. Qiyomat kuni yig‘ilganimizda buning uchun javob bermaymizmi?” - dedi u.

Siyosatchining tushuntirishicha, rasmiylar ularni barcha huquqlaridan mahrum qilgan, shuningdek, ularga universitetlar, maktablar va madrasalar eshiklarini yopishgan.