Argentina prezidenti Xavyer Miley Britaniya nazoratidagi Folklend orollari — Argentinada Malvin orollari deb ataladigan hudud bo‘yicha mamlakatning da’vosini yanada kuchaytirdi.
Miley orollar atrofida neft qazib olish bilan shug‘ullanayotgan kompaniyalarga nisbatan sanksiyalar joriy etish niyatini ma’lum qildi. Shuningdek, u Argentina Kongressiga mamlakat suverenitetini himoya qilish mexanizmlarini kuchaytiruvchi qonun loyihasini kiritishini aytdi.
Bu bayonotning yana bir qiziq jihati — u AQSh prezidenti Donald Tramp Vashingtonning Folklend bo‘yicha neytral pozisiyasini qayta ko‘rib chiqayotganini bildirganidan bir necha kun o‘tib yangradi. Miley bu vaziyatni Argentina manfaatlari uchun "o‘zgarish shamollari" esayotganining belgisi sifatida baholagan.
Britaniya esa orollar aholisining o‘z taqdirini belgilash huquqini himoya qilishini bildirmoqda. 2013 yilgi referendumda Folklend aholisining mutlaq ko‘pchiligi Britaniyaning dengizorti hududi maqomini saqlab qolish tarafdori bo‘lgan.
Folklend masalasi ikki mamlakat munosabatlarida o‘ta og‘riqli mavzu hisoblanadi. 1982 yilda Argentina va Buyuk Britaniya orollar uchun urushgan va mojaro Argentinaning mag‘lubiyati bilan yakunlangan. Endi esa hudud atrofidagi neft loyihalari eski siyosiy nizoni yana kun tartibiga olib chiqmoqda.
“Agar men prezident bo‘lmaganimda, Isroil ham bo‘lmas edi”
Biz ertagayoq ketamiz...
Putin Zelenskiyning Rossiya osmoni xavfsiz emasligi haqidagi ogohlantirishiga javob qaytardi
