2025 yilning birinchi yarmida “Tez yordam” qanday maqsadlarda chaqirildi?

O‘tgan yilning ayni shu davriga nisbatan bu yil murojaatlar soni 8,4 foizga oshdi.

O‘tgan 2025 yilning dastlabki 6 oyi davomida mamlakatimiz bo‘ylab “103” xizmatiga jami 6 million 912 ming 243 ta chaqiriq kelib tushdi. O‘tgan yilning ayni shu davriga nisbatan bu yil murojaatlar soni 8,4 foizga oshdi, deya xabar beradi SSV axborot xizmati.

Chaqiruvlar:

• 4 million 992 ming 108 tasi shoshilinch ko‘rsatma bilan,
• surunkali kasalliklar – 1 ming 802 ming 348 ta,
• bemorlarni tashish – 66 ming 917 ta,
• tug‘ruqlar – 50 ming 870 tani tashkil qildi.

Eng ko‘p murojaatlar:

• Toshkent shahri — 718 ming 819 ta;
• Farg‘ona viloyati — 681 ming 580 ta;
• Surxondaryo viloyati — 661 ming 767 ta;
• Namangan viloyati — 647 ming 493 ta;
• Andijon viloyati — 642 ming 366 ta qayd etilgan.

Eng kam chaqiriq

• Navoiy viloyati (199 ming 930 ta),
• Sirdaryo viloyati (221 ming 407 ta) va
• Jizzax viloyati (267 ming 669 ta) kuzatildi.

Eslatib o‘tamiz, hozirgi kunda “Tez yordam” xizmatida jami 2 857 ta tibbiy brigada faoliyat yuritmoqda.