2028-2034 yillarga mo‘ljallangan yangi byudjet loyihasida Yevrokomissiya Yevropa Ittifoqining mudofaa xarajatlarini besh baravar oshirishni taklif qildi.
Jumladan, harakatdagi harbiylarga sarflanadigan xarajatlar o‘n barobar oshiriladi. Bu haqda Yevropa Ittifoqi komisssiyasi rahbari Ursula fon der Lyayen ma’lum qildi.
Mablag‘lar qayta qurollanish, Yevropa Ittifoqining tashqi chegaralarini mustahkamlash va Ukrainaga yordam ko‘rsatishga sarflanadi. "Maqsad - mudofaa qobiliyatimizni sezilarli darajada mustahkamlash va mudofaadagi kamchiliklarni bartaraf etish", dedi fon der Lyayen xonim Latviyada bo‘lib o‘tgan matbuot anjumanida (Anjuman YEC Youtube kanalida translyasiya qilingan). Qurollanishga zo‘r berish Rossiya tahdidiga qarshi chora sifatida baholanmoqda.
2024 yilda Yevropa Ittifoqi davlatlari mudofaa uchun 326 milliard yevro sarfladi (ittifoq yalpi ichki mahsulotining taxminan 1,9 foizi). O‘tgan yili Yevropa Ittifoqining harbiy texnikaga sarflagan mablag‘i 90 milliard yevrodan oshdi.
2021 va 2024 yillar oralig‘ida jamiyat a’zolarining umumiy harbiy xarajatlari 30 foizdan ko‘proqqa oshdi. YEI 2027 yilga kelib xarajatlarni real ko‘rinishda 100 milliard yevrodan ko‘proqqa oshirishni rejalashtirmoqda.
Maktablarda 1 sentyabrdan smartfondan foydalanish taqiqlanadi
AQSh Kongressiga nomzod Valentina Gomes Qur’onni yoqib yubordi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
