Mask: "Bu ketishda Yevropa yo‘q bo‘lib ketadi"

Agar tug‘ilish ko‘paymasa, Yevropa nobud bo‘ladi.

Bu haqda amerikalik milliarder va tadbirkor Ilon Mask "X" ijtimoiy tarmog‘ida yozdi.

Tadbirkor Shotlandiyada o‘lganlar va tug‘ilganlar soni haqidagi statistik ma’lumotlarni keltirgan amerikalik senator Mayk Lining xabariga shunday so‘zlar bilan javob qaytardi. Senatorning so‘zlariga ko‘ra, joriy yilning yanvar-iyul oylarida mamlakatda 26,3 ming kishi tug‘ilgan, vafot etganlar soni esa 35,2 ming kishini tashkil qilgan.

"Agar tug‘ilish darajasi hech bo‘lmaganda yangilanish darajasiga qaytmasa, Yevropa yo‘q bo‘lib ketadi", — deb yozgan Mask.

Franceinfo telekanali Fransiya Milliy Statistika Instituti (INSEE) hisobotiga tayanib, 23 iyul kuni Fransiyada yiliga o‘lim soni 1945 yildan beri birinchi marta tug‘ilganlar sonidan oshib ketgani haqida xabar berdi. Franceinfo xabariga ko‘ra, salbiy dinamikani INSEE 2035 yilga rejalashtirgan.