General-polkovnik Aleksandr Chayko Rossiya Kosmik-havo kuchlarining yangi bosh qo‘mondoni etib tayinlandi. U Bucha aholisining o‘ldirilishiga aloqadorlikda ayblangan edi.
Bu haqda manbalarga tayanib "RBK" nashri xabar bermoqda.
Chaykoning tayinlangani haqida Rossiya Kosmik-havo kuchlariga yaqin bo‘lgan Fighterbomber Z-kanali ham yozmoqda: "Shaxsan o‘zim u bilan Suriyada jang qilganman, yomon gap aytolmayman. Har bir narsaga diqqat qilardi, tushunardi, barcha masalalarni hal qilardi, vazifalarni bizga shaxsan o‘zi qo‘yardi va ish natijalarini ham shaxsan nazorat qilardi", deyiladi xabarda.
Mart oyida Chayko Yevropa Ittifoqi sanksiyalariga tushgan edi. Cheklovlar yuzlab tinch aholi vakillari o‘ldirilgan vaqtda o‘z bo‘linmalariga rahbarlik qilgan" Rossiya harbiy qo‘mondonlariga nisbatan joriy etilgan. Chayko, shuningdek, Buchada tinch aholining o‘ldirilishi bo‘yicha surishtiruvlarda ham qayd etilgan.
Ukraina Bosh prokuraturasi Buchadagi harbiy jinoyatlarda general-mayor Sergey Chubarikin qo‘mondonlik qilgan 76-gvardiya desant-shturm diviziyasi harbiy xizmatchilarini ayblagan edi vaCHayko uning boshlig‘i bo‘lgan.
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
«Urushmoqchimisan?» Zelenskiyning Belarusga yo‘llagan tahdidi G‘arbni hayratda qoldirdi
