"O‘zenergoinspeksiya" Sirdaryo viloyat hududiy boshqarmasi tomonidan o‘tkazilgan nazorat tadbirida Guliston shahrida fuqaro M. B. ga qarashli novvoyxonada hisoblagich o‘rnatilgan joydan tashqari yashirincha montaj qilish orqali tarmoqqa ulanib, tabiiy gazdan noqonuniy foydalanib kelayotganligi aniqlandi.
Ushbu qoidabuzarlik gaz ta’minoti korxonasining dastlabki hisob-kitoblariga ko‘ra 498,7 million so‘mlik zarar yetkazilganligi ma’lum bo‘ldi.
Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.