"Moskva yer yuzidan “supurib tashlanadi”

Putin NATO davlatlariga qarshi yadroviy yoki oddiy qurol ishlatadigan bo‘lsa, Moskva yer yuzidan “supurib tashlanadi”, dedi Belgiya mudofaa vaziri.

Teo Franken bu so‘zlarni Rossiya prezidenti Vladimir Putinning "Ukrainaga Tomahawk raketalari berilishi Rossiyaning keskin javob choralariga sabab bo‘lishi" haqidagi tahdidlariga javoban aytdi.

"Putin xuddi shunday gaplarni Finlandiya va Shvesiya NATO'ga qo‘shilganida ham, biz Ukrainaga tanklar, raketalar, F-16 samolyotlarini berganimizda ham aytgandi. Bundan shunday xulosa qilish mumkin: biz tahdidlarga bo‘ysunmasligimiz lozim. Bular ham Putinning “qizil chizig‘i” edi, ammo u nima qildi? Hech narsa. Agar u yadro qurolini qo‘llasa, biz Moskvani yer bilan bitta qilamiz, u buni juda yaxshi biladi", — dedi Belgiya Mudofaa vazirligi rahbari De Morgen gazetasiga bergan intervyusida.

Franken, shuningdek, Bryusselga yadroviy bo‘lmagan raketa yo‘naltirilishidan ham qo‘rqmasligini aytib, bunday holatda ham Moskva yer bilan yakson qilinishini ta’kidladi.