Muhojirlar orasida birinchi: Ukrainaga qarshi urushda Rossiya armiyasi safida jang qilayotgan o‘zbeklar soni ma’lum bo‘ldi

Ukrainaga qarshi urushda Rossiya armiyasi safida jang qilayotgan o‘zbeklar son jihatdan muhojirlar orasida birinchilikni qo‘lga kiritdi.

“Xochu jit” nodavlat tashkilotining ma’lum qilishicha, bu ro‘yxat to‘liq emas – asl yo‘qotishlar soni ehtimol ancha ko‘p. Rossiya armiyasi safida yollanma askar sifatida halok bo‘lgan 481 nafar o‘zbekistonlikning shaxsi aniqlangan.

Kamida 2 715 nafar O‘zbekiston fuqarosi Rossiya tomonida Ukrainaga qarshi urushda ishtirok etgani yoki hozir ham ishtirok etayotgani aytilmoqda.

- 2023 yilda – Rossiya bilan shartnoma imzolagan o‘zbeklar soni 498 nafar
- 2024 yilda – yana 941 nafarga yetgan
- 2025 yilning birinchi yarmida – deyarli 1 300 nafar qayd etilgan.

Bundan tashqari, asirga tushgan xorijliklar orasida ham o‘zbeklar soni eng ko‘p ekani ma’lum qilingan.