Kecha, 31 oktyabr kuni Turkiya chempionati 11-turidan o‘rin olgan bahsda "Istanbul Bashakshehir" "Xo‘jaylispor"ni 1:0 hisobida mag‘lub etdi.
E’tiborlisi, O‘zbekiston milliy jamoasi bosh murabbiyi Fabio Kannavaro ushbu o‘yinni bevosita stadiondan turib kuzatdi. Unga hozirda jarohatini davolayotgan istanbulliklar safidagi yana bir o‘zbek Abbosbek Fayzullayev hamrohlik qilgan.
Quvonarlisi, o‘yin taqdirini Eldor Shomurodovning penaltidan kiritgan yagona goli hal qildi.
