Зеленский юмшади, Путин ҳам юмшайди

АҚШ президенти Доналд Трампнинг Украина ва Россия масалалари бўйича махсус вакили Кит Келлогнинг таъкидлашича, агар икки давлат урушни тўхтатиш бўйича келишувга эришишга умид қилса, ён беришлари керак.

"Украина президенти Владимир Зеленский ҳудудлар бўйича ўз позициясини юмшатишини аллақачон маълум қилган. Путин ҳам ўз позициясини юмшатиши керак бўлади. Вақт ўтиши билан ва, эҳтимол, яқин келажакда биз барча билан мунозаралар ўтказамиз. Ва бу иккала томон учун ҳам яхши," - деди Келлог Fox News телеканалига берган интервьюсида.

Келлог, шунингдек, Вашингтон Украинанинг сайловларни, эҳтимол, шу йил охиригача ўтказишини хоҳлашини, айниқса, яраш келишувга эришилса, деди.

Илгари Келлог шундай деган эди: Трамп икки мамлакат ўртасидаги урушни тугатиш мақсадида ҳам Россияга, ҳам Украинага босим ўтказишни режалаштирмоқда. "У қаерда босим ўтказиш кераклигини, қаерда босим ўтказмаслик кераклигини билади. Лекин энг муҳими, у ҳам украинлар, ҳам россияликлар учун таъсир воситаларини яратади. Сатрлар орасида ўқишингиз мумкинки, аслида таъсир воситаси айнан шундай яратилади. У битимларни жуда моҳирона тузади."