«Даҳшатли суммалар»: АҚШ бизнеси Россияга қарши санкциялар туфайли қанча йўқотгани маълум бўлди

Россияга қарши санкциялардан АҚШ бизнесига етказилган тўғридан-тўғри зарар тахминан 100 миллиард долларни ташкил этди.

Бу ҳақда Россиядаги Америка савдо палатаси (AmCham) раҳбари Роберт Эйжи RTVI’га берган интервьюсида маълум қилди.

"Биз тўғридан-тўғри зарба тахминан 100 миллиард долларни, зарар эса аниқ бизнеснинг потенциал йўқотишларини ҳисобга олган ҳолда деярли 300 миллиард долларни ташкил этди, деб ҳисобладик," - деди у.

Унинг сўзларига кўра, бу АҚШ санкциялари, шунингдек, Россия қарши санкцияларининг умумий зарари.