Туркия Россиядан сотиб олинган С-400 зенит-ракета мажмуаларини қайтармоқчи

Бу ҳақда Bloomberg хабар бермоқда.

Агентлик маълумотига кўра, Вашингтон Анқарадан Россия ҳарбий техникасидан воз кечишни талаб қилмоқда. АҚШ бунинг эвазига Туркия мудофаа саноатига қўйилган санкцияларни бекор қилиш ва Анқарага F-35 қирувчи самолётларини етказиб бериш имкониятини қайта тиклашга тайёрлигини билдирган.

"Ражаб Тоййиб Эрдўған С-400 тизимларини қайтариш масаласини Владимир Путин билан 13 декабр куни Ашхободда ўтказилган учрашувда муҳокама қилган", дея ёзмоқда Bloomberg.