Виктор Орбан Х ижтимоий тармоғида Украина президентига ёзган мактубини эълон қилди. Хатда у Зеленскийни “Дружбa” нефт қувури фаолиятини дарҳол тиклашга чақирди. Орбан, шунингдек, Украина президентини Венгрияга қарши сиёсат юритишда айблади.
"Сўнгги тўрт йил давомида сиз Венгрияни ўз мамлакатингиз ва Россия ўртасидаги урушга тортишга ҳаракат қилдингиз. Шу вақт давомида Брюссел сизни қўллаб-қувватлади ва Венгрия мухолифатининг ёрдамига эришдингиз", — дейилади Орбаннинг мактубида.
Орбаннинг таъкидлашича, Зеленскийнинг ҳаракатлари Венгрия аҳолиси арзон энергия билан таъминланишини хавф остига қўяди.
"Венгрия халқи Украина дуч келган вазият учун жавобгар эмас. Биз Украина халқига ҳамдардмиз, лекин урушда иштирок этишни истамаймиз", — дея қўшимча қилди Венгрия бош вазири.
27 январдан бошлаб “Дружбa” нефт қувури орқали Венгрия ва Словакияга Россия нефти етказилиши тўхтатилганди. Киев расмийларига кўра, қувурнинг Украина ҳудудидаги бир қисми Россия зарбаси натижасида шикастланган.
Уйига фақат тунда келишни одат қилган қарздорга МИБ "сюрприз" қилди
Тожикистонда “тахт” транзитига тайёргарлик бошландими?
"Ал-Ҳилол" футболчилари Бензема билан шартнома имзоланганидан афсусда
