АҚШ Эронга қачон зарба беради?

АҚШ Эронга зарба бериш учун ҳарбий самолётларини Исроилга жойлаштирмоқда — Bild.

“Тел-Авивдаги Бен-Гурион фуқаролик аэропортида ҳафта бошида АҚШ армиясининг ёнилғи қуйиш самолётлари саф тортди. Х да эълон қилинган кадрлар шундан далолат беради”, деб хабар бермоқда Bild нашри.

Қайд этилишича, 24 феврал куни АҚШ Британиянинг 12 та F-22 қирувчи самолётини ҳам Исроилнинг Негев чўлидаги базасига жойлаштирган. Улар Эроннинг иттифоқдоши бўлган Ямандаги ҳусий-террорчиларнинг ракеталарини тезда тутиб олишга қодир. Бу ҳаракатлар АҚШ ҳужумидан кейин Эроннинг эҳтимолий жавоб зарбасига қарши туриш учун амалга оширилмоқда.

Шу билан бирга, АҚШнинг иккинчи авиаташувчиси - USS Gerald R. Ford Ўрта ер денгизига етиб келди ва яқин кунларда Исроилнинг Ҳайфа шаҳрига бориши керак. АҚШ президенти Доналд Трамп ҳукумати “Оятуллоҳ” режими билан музокаралар боши берк кўчага кириб қолган тақдирда Эронга эҳтимолий ҳужумга максимал даражада тайёр бўлишга уринмоқда.

19 феврал куни Трамп Теҳронга келишувга эришиш учун тахминан 10-15 кун вақт беришини маълум қилди. АҚШ Эрон ядровий ва ракета дастурларини бутунлай бекор қилишга, шунингдек, минтақадаги ҲАМАС, "Ҳизбуллоҳ" ва ҳусийлар каби Эрон билан иттифоқдош радикал қуролли гуруҳларни қўллаб-қувватлашни тўхтатишга эришмоқчи.