"Бенфика" ҳужумкор ярим ҳимоячиси Джанлука Престианни Чемпионлар лигасининг ўтиш босқичи доирасида "Реал"га қарши бўлиб ўтадиган жавоб ўйинида майдонга туша олмайди. УЕФА Престианнини вақтинчалик — битта ўйинга четлатиш ҳақида қарор қабул қилганини эълон қилди.
Престианнининг вақтинчалик дисквалификация қилиниши УЕФАнинг Лиссабондаги биринчи ўйин юзасидан олиб бораётган суриштирувининг оралиқ ҳисоботидан ўрин олган. Маълумки, ўшанда Винисиус Престианнини ирқчиликда айблаган эди. "Бенфика" футболчисининг ўзи эса бразилиялик уни нотўғри тушунганини таъкидлаган.
УЕФА Престианни томонидан камситувчи хулқ-атвор белгилари дастлабки тарзда аниқланганини алоҳида қайд этди. Шунингдек, ушбу вақтинчалик чеклов суриштирув якуни бўйича чиқариладиган якуний қарорга таъсир қилмаслиги айтилган. Бу эса Престианни якунда албатта дисквалификация қилинишини англатади — фақат унинг нечта ўйинга четлатилиши ҳозирча номаълум.
"Ал-Ҳилол" футболчилари Бензема билан шартнома имзоланганидан афсусда
Суперлига клублари раҳбарлари ҳибсга олинди
Винисиусни «маймун» деб ҳақорат қилганлар топилди
