Мексикада наркобарон “Эл Менчо” ўлдирилди

АҚШ унинг боши учун 15 млн доллар мукофот эълон қилганди

Оммавий ахборот воситаларининг хабар беришича, Мексика ва АҚШ хавфсизлик кучлари томонидан ўтказилган махсус операцияда Халиско картели етакчиси Немесио Осегуера Сервантес ўлдирилди. У мамлакатдаги энг хавфли жиноятчилардан бири бўлиб, “Эл Менчо” лақабини олганди.

Унинг ўлими дунёдаги энг қудратли ва шафқатсиз наркокартеллардан бири бўлган Cartel Jalisco Nueva Generacion (CJNG, Халисконинг янги авлоди картели) учун жуда қаттиқ зарба бўлди. Ушбу картел АҚШга синтетик гиёҳванд моддалар етказиб бериш билан шуғулланган.