Тошкентдан Исломободга мунтазам рейслар: Uzbekistan Airways 14 июндан парвозларни йўлга қўяди

Uzbekistan Airways авиакомпанияси Тошкент ва Покистон пойтахти Исломобод шаҳри ўртасида авиақатновларни йўлга қўйишини эълон қилди.

Хабарга кўра, 14 июндан бошлаб Тошкент – Исломобод – Тошкент йўналиши бўйича мунтазам авиақатновлар амалга оширилади.

Парвозлар шанба кунлари қуйидаги жадвалга мувофиқ амалга оширилади (маҳаллий вақт кўрсатилган):

- Тошкентдан жўнаб кетиш 08:50, Исломободга етиб бориш 10:50;

- Исломободдан жўнаб кетиш 11:50, Тошкентга етиб келиш 13:50.

Аввалроқ, Uzbekistan Airways авиакомпанияси Тошкент ва Покистоннинг Лоҳур шаҳри ўртасида авиақатновларни йўлга қўйган эди.