Суперлигада бугун 25-тур учрашувларига старт берилади

Бугун, 22 октябрь куни футбол бўйича Ўзбекистон Суперлигасининг 25-тур учрашувлари бошланади. Турнинг илк баҳсида Тошкентнинг "Бунёдкор" клуби ўз майдонида Муборакнинг "Машъал" жамоасини қабул қилади.

Учрашув Тошкент вақти билан соат 18:30 да старт олади. Баҳсни бош ҳакам Аҳрол Рисқуллаев бошқариб боради.

Турнинг марказий учрашувларидан бири 23 октябрь куни Тошкентда ўтказилади. Унда "Пахтакор" Фарғонанинг "Нефтчи" клубига қарши майдонга тушади. Ушбу баҳс соат 19:00 да бошланади.

Шу куни "Бухоро" ўз майдонида "Сурхон"ни қабул қилади. 24 октябрда эса "Насаф" ва "Сўғдиёна" жамоалари ўзаро тўқнаш келади.

25 октябрь куни учта учрашув режалаштирилган. ОКМК "Қўқон-1912" билан, "Қизилқум" "Локомотив" билан, Самарқанднинг "Динамо" клуби эса "Андижон" билан куч синашади.

Турнинг сўнгги баҳси 26 октябрь куни "Хоразм" ва "Навбаҳор" жамоалари ўртасида бўлиб ўтади.

Суперлига. 25-тур

22 октябрь, пайшанба

18:30. "Бунёдкор" – "Машъал"

23 октябрь, жума

19:00. "Пахтакор" – "Нефтчи"

19:00. "Бухоро" – "Сурхон"

24 октябрь, шанба

18:00. "Насаф" – "Сўғдиёна"

25 октябрь, якшанба

16:00. ОКМК – "Қўқон-1912"

18:00. "Қизилқум" – "Локомотив"

18:15. "Динамо" – "Андижон"

26 октябрь, душанба

18:30. "Хоразм" – "Навбаҳор"