Украина президенти Владимир Зеленский ҳозирги фронт чизиғини музлатиш орқали Россия билан урушни тўхтатиш имкониятини қўллаб-қувватлашини билдирди. Бу ҳақда у Fox News телеканалига берган интервьюсида маълум қилди.
Суҳбат давомида журналист Зеленскийдан Украина ҳудудининг 75 фоизини сақлаб қолиш шарти билан тинчлик келишувига рози бўладими, деб сўради.
«Ҳа, агар ҳозирги вазиятни музлатишимизга тўғри келса. Менимча, бу урушни тугатишнинг реал йўли», – дея жавоб берди Украина раҳбари.
Зеленскийнинг таъкидлашича, Украина урушни имкон қадар тезроқ тугатишни истайди. У АҚШ президенти Дональд Трампнинг ўт очишни тўхтатиш ҳақидаги таклифини қўллаб-қувватлаб, томонлар ҳозирги позицияларида қолган ҳолда дипломатик музокараларга ўтиши мумкинлигини айтди.
Шунингдек, Зеленский Россия жорий йилда жанг майдонида сезиларли муваффақиятга эришмаганини даъво қилди.
Аввалроқ, 20 октябр куни Ослода Украина делегацияси АҚШ президентининг махсус вакиллари билан музокара ўтказган эди. Кейинчалик Стив Уиткофф Санкт-Петербургда Владимир Путин билан учрашиб, Украинадаги урушни ҳал этиш бўйича таклифларни тақдим этди.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Шоҳжаҳон Эргашевнинг Тошкентдаги жанги жанжал билан ниҳоясига етди
40 млн одам Жанубий Осиёдан кўчишга мажбур бўлиши мумкин
