Ўзбекистон миллий терма жамоаси бош мураббийи Фабио Каннаваро фаолиятининг кейинги босқичини Америка қитъасида ўтказиши мумкин. Италиялик мутахассис АҚШ ва Мексика футбол бозорида ишлайдиган агентлик билан ҳамкорликни йўлга қўйган.
Мексиканинг TUDN телеканали журналисти Франсиско Арредондо «Linea de 4» дастурида маълум қилишича, мазкур агентлик 2006 йилги жаҳон чемпиони учун MLS ва Liga MX клубларидан таклифлар излайди.
Шу билан бирга, Каннаваро ҳозирча Ўзбекистон терма жамоасини тарк этгани йўқ. У 2025 йил октябрида миллий жамоа бошқарувини қабул қилиб олган ва 2026 йилги мундиалда унга устозлик қилган. Ўзбекистон футбол ассоциацияси жаҳон чемпионатидан кейин мураббийнинг шартномаси 2027 йил октябригача амал қилишини тасдиқлаган.
Италиялик мутахассис қўл остида терма жамоа сентябрь ва октябрь ойларида Эронни 3:1, Сурияни 4:1 ҳисобида мағлуб этди. Жанубий Корея билан баҳс эса 0:2 ҳисобидаги мағлубият билан якунланди.
Аввалроқ «Гуанчжоу», «Беневенто», «Удинезе» ва Загребнинг «Динамо» клубларида, шунингдек, Хитой терма жамоасида ишлаган Каннаваронинг келажаги юзасидан ҳозирча расмий ўзгариш эълон қилинмаган.
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
Шоҳжаҳон Эргашевнинг Тошкентдаги жанги жанжал билан ниҳоясига етди
Россиялик марҳум боксчи умрининг сўнгги 11 йилида гапирмагани маълум бўлди
