O‘zbekiston Respublikasi Prezidenti Shavkat Mirziyoyevning BMTning Iqlim o‘zgarishi bo‘yicha Hadli konvensiyasi tomonlari konferensiyasining 31-sessiyasi (COP31) tadbirlarida ishtirok etish uchun Turkiyaga tashrifi doirasida O‘zbekiston Birinchi xonimi Ziroat Mirziyoyeva Antaliya shahrida yuqori darajadagi uchrashuvda ishtirok etdi. Tadbirda “Nol chiqindi” (Zero Waste) Global alyansi tashkil etilgani e’lon qilindi.
Mazkur alyans davlat va hukumat rahbarlari rafiqalarining tabiiy resurslardan oqilona foydalanish hamda chiqindilarni kamaytirish tamoyillarini ilgari surish yo‘lidagi sa’y-harakatlarini birlashtirishga qaratilgan.
Ziroat Mirziyoyeva uchrashuvda so‘zga chiqib, taklif va samimiy mehmondo‘stlik uchun Turkiya Birinchi xonimi Emine Erdo‘g‘anga chuqur minnatdorlik bildirdi hamda uning “Nol chiqindi” tashabbusini xalqaro miqyosda ilgari surishga qo‘shayotgan shaxsiy hissasini alohida e’tirof etdi. “Nol chiqindi” Global alyansi tashkil etilishini qo‘llab-quvvatladi.
O‘zbekiston Birinchi xonimi Alyans doirasida ekologik ta’limni rivojlantirish, shuningdek, yoshlar tomonidan ilgari surilgan ekologik loyihalarni qo‘llab-quvvatlash va amalga oshirishga qaratilgan qator tashabbuslarni ilgari surdi.
AQSh va Eron dastlabki kelishuvga erishish sari ilgarilamoqda
"Evropaliklar Abu-Dabiga kelishibdi — mayli, mehmonxonalarida o‘tiraversinlar"
Rossiyadan AQShga yo‘l olgan uchta dizel tashuvchi tanker ham yo‘nalishini o‘zgartirdi
