Ukraina prezidenti Vladimir Zelenskiy NATO sammitida ishtirok etish uchun Gaagaga yetib keldi. Sammit doirasida u AQSh prezidenti Donald Tramp bilan uchrashishi mumkin, deb xabar berdi France Presse agentligiga Ukraina Prezidenti ofisidagi manba. Uning so‘zlariga ko‘ra, ikki davlat yetakchilari delegasiyalari uchrashuvning tafsilotlarini muhokama qilmoqda. Hozircha rasmiy kelishuv haqida ma’lumot berilmagan.
Manbaga ko‘ra, bo‘lajak uchrashuvda Ukraina uchun AQSh qurollarini, xususan, havodan mudofaa tizimlarini sotib olish masalasi muhokama qilinishi mumkin. Tramp ma’muriyati hukumatga kelganidan beri Ukrainaga qurolni bepul yetkazib berish haqida e’lon qilmagan, biroq uning tijorat asosida berilishi imkonini inkor etmagan.
Sky News telekanaliga bergan intervyusida Zelenskiy shunday degan: «Men Tramp bilan uchrashmoqchiman. Qanday bo‘lishini bilmayman — rostini aytaman. Jamoam shu ustida ishlayapti».
Oq uy vakili esa bu boradagi savollarga javob berishdan tiyilgan.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Madaniyat vaziri korrupsiyada ayblanib sudga tortiladi
Yuragi urib turgan bemor o‘lganga chiqarildi va uning ichki a’zolaridan foydalanishdi
