Zelenskiy: "Kiyevga Patriot ishlab chiqarishni boshlash uchun kamida bir yil kerak bo‘ladi"

Ukrainaning AQSh tomonidan lisenziyalangan Patriot havo mudofaa tizimlarini joylashtirishi 12 oydan bir necha yilgacha davom etadi. Bu haqda AQSh va Yevropadagi byurokratiyadan shikoyat qilgan Vladimir Zelenskiy aytdi.

"Ukraina tegishli lisenziyalarni olishi kerak. Boshqa mamlakatlarda, nafaqat AQShda, balki Yevropada ham eski qoidalar va proseduraviy muammolar mavjud. Shuning uchun byurokratiya mavjud. Byurokratiya deganda, havo mudofaa tizimlarini joylashtirish, menimcha, 12 oydan bir necha yilgacha davom etadi", dedi u Ukraina telemarafonida.

Zelenskiy shuningdek, lisenziyalangan taqdirda ham Ukraina Patriot raketalarini mustaqil ravishda ishlab chiqara olmasligini tan oldi. “Ukrainadagi ishlab chiqarishga kelsak, aytganimdek, muddat ular bizga nima berishlariga bog‘liq bo‘ladi. Ular sizga ba’zi komponentlarni berishadi, lekin men iloji boricha ko‘proq komponentlar Ukrainada ishlab chiqarilishini talab qilaman. AQSh va Ukraina — nima uchun? — chunki bu uch, to‘rt yoki beshta Yevropa mamlakatida bo‘lsa, oson emas. Bu juda murakkab. Ko‘proq byurokratiya”, dedi u siyosiy muammolar tufayli yetkazib berish kechikishi mumkinligini ta’kidlab.