Zelenskiy: "AQSh Ukraina bilan razvedka ma’lumotlarini almashishni qayta boshladi"

Qo‘shma Shtatlar Ukraina bilan razvedka ma’lumotlarini almashishni qayta boshladi.

Ukraina prezidenti Vladimir Zelenskiy bu haqda NBC News telekanaliga bergan intervyusida ma’lum qildi.

"Biz razvedka ma’lumotlarining Kiyevga uzatilishi uchun juda minnatdormiz", deb javob berdi u bu haqda berilgan savolga.

Uning so‘zlariga ko‘ra, razvedka ma’lumotlarini almashish "ma’lum bir vaqtga" to‘xtatilgan edi. Zelenskiy jarayon qachon qayta boshlanganini aniq aytmadi.

Ukraina rahbari shuningdek, Amerika delegatlari bilan muzokaralar kelasi haftada bo‘lib o‘tishiga umid bildirdi.