Ukraina prezidenti Vladimir Zelenskiy prezidentlik saylovlari va Rossiya bilan tinchlik shartnomasi bo‘yicha referendum o‘tkazish rejasini e’lon qilmoqchi, deb xabar berdi Financial Times chorshanba, 11 fevral kuni Ukraina va Yevropa rasmiylariga tayanib.
FT xabar berishicha, reja tafsilotlari 24 fevral kuni, Rossiyaning Ukrainaga bostirib kirishi boshlanganining yilligi kuni e’lon qilinadi. Gazetaning xabar berishicha, Kiyev saylovlar va referendumni bir vaqtning o‘zida o‘tkazishni ko‘rib chiqmoqda.
O‘tgan hafta Reuters agentligi bir nechta manbalarga tayanib, Amerika va Ukraina muzokarachilari may oyining boshida bo‘lib o‘tishi mumkin bo‘lgan potensial kelishuvni milliy ovoz berishga taqdim etish imkoniyatini muhokama qilganliklarini xabar qildi.
Zelenskiy ilgari Ukrainada saylovlarni o‘tkazishga tayyorligini ta’kidlagan edi, ammo ikkita masala hal qilinishi kerak. Birinchisi, xavfsizlik, jumladan, davom etayotgan o‘qqa tutish va Ukraina qo‘shinlarining ovoz berishda ishtirok etishi. Ikkinchisi esa ovoz berishning qonuniyligi uchun huquqiy asosdir.
Ukrainaning keyingi prezidentlik saylovlari 2024 yilga rejalashtirilgan edi, ammo ular Rossiyaning bosqinidan keyin mamlakatda joriy etilgan harbiy holat tufayli qoldirildi. Shu asosda Rossiya rasmiylari Zelenskiyning davlat rahbari sifatidagi noqonuniyligini bir necha bor e’lon qilishdi.
Harbiy holat sharoitida saylovlar Ukraina Konstitusiyasi va qonunlari bilan cheklangan.
Starlinkning o‘chirilishi frontdagi vaziyatni o‘zgartirdi
Sadir Japarov Qamchibek Tashiyevni nega ishdan olganini tushuntirdi
Rossiya AQSh taklifini rad etdi
