Zaporojye shahridagi “Motor sich” korxonasi rahbari Vyacheslav Boguslayev qo‘lga olindi

Ukraina huquq-tartibot idoralari Zaporojye shahrida “Motor sich” korxonasi rahbari Vyacheslav Boguslayevni qo‘lga oldi. Bu haqda “Biz Rossiya bilan birgamiz” harakati raisi Vladimir Rogov ma’lum qildi.

"Motor sich" samolyot va sanoat gaz turbinalari uchun dvigatellar ishlab chiqaruvchi eng yirik kompaniyalardan biridir. Avvalroq Rogov Rossiya Qurolli kuchlari 4 oktyabr kuni zarba bergan Zaporojedagi zavodda o‘q-dorilar ombori borligi, harbiy texnikalar ishlab chiqarilayotgani va ta’mirlanayotgani haqida xabar bergan edi.