Pokistonning "Fateh" raketalari qanday qurol?

Pokistonning Hindistonga qarshi harbiy operasiyasi davomida o‘zining "Fateh" raketalarini joylashtirganiga oid xabarlar tarqaldi.

Pokistonning zamonaviy "Fateh" raketasi Fateh-1 va Fateh-2 deb nomlanuvchi ikki xil turga ega.

Harbiy mutaxassislarning ta’kidlashicha, Fateh-1 turi 140 kilometrgacha masofadagi nishonlarga zarba bera oladigan qisqa masofali raketa hisoblanadi. Fateh-2 turi esa "yanada takomillashgan" deb ta’riflanib, xabarlarga ko‘ra, 400 kilometrgacha masofani qoplay oladi.

Har ikkala tur ham yer usti nishonlariga mo‘ljallangan raketalar sanaladi.

"Fateh" so‘zi arab tilida "fath qiluvchi" yoki "g‘olib" degan ma’noni anglatadi.