"Yuventus" "Real"ning qimmatbaho futbolchisini ijaraga olmoqchi

Madridning "Real" klubi yarim himoyachisi Eduardo Kamavinga "Yuventus"ning transfer nishoniga aylandi.

Turin klubi allaqachon fransiyalik futbolchi borasida so‘rov yubordi. Mish-mishlarga ko‘ra, Kamavinga doimiy o‘yin amaliyotiga ega bo‘lish uchun jamoasini o‘zgartirishga tayyor. La Gazzetta dello Sport ma’lumotlariga ko‘ra, "keksa sinyora" yarim himoyachini keyinchalik sotib olish huquqi bilan ijaraga olish imkoniyatini ko‘rib chiqmoqda.

Transfermarkt bahosiga ko‘ra, Eduardo Kamavinganing transfer qiymati 50 million yevroni tashkil etadi. 23 yoshli futbolchining "qirollik" klubi bilan tuzgan shartnomasi 2029 yilgacha mo‘ljallangan. O‘tgan mavsumda u Madrid jamoasi safida 43 ta o‘yin o‘tkazib, 2 ta gol va 1 ta assist qayd etdi.