Yoqilg‘i tashuvchi tankerning portlashi 30 kishining hayotiga zomin bo‘ldi

Nigeriya g‘arbida yoqilg‘i tankeri bilan sodir bo‘lgan avariya oqibatida kamida 30 kishi halok bo‘ldi, 40 ga yaqin kishi turli darajadagi kuyishlar oldi.

Bu haqda The Nation gazetasi guvohlarga tayangan holda xabar berdi.

Dastlabki ma’lumotlarga ko‘ra, yoqilg‘i tashuvchi tanker Niger shtatidagi AgaYE-Bida trassasida YTHga uchragan. Mahalliy aholi tanker ichidagi narsalarni o‘g‘irlashga urinib, uni haydab chiqarishga kirishgan. Portlash sodir bo‘ldi va to‘kilgan suyuqlik yonib ketdi.

Nigeriya yoqilg‘i tankerlari haydovchilari uyushmasi raisi Farux Muhammad Kavo voqea sodir bo‘lganini tasdiqladi. Uning so‘zlariga ko‘ra, Niger shtatida oy boshidan buyon 30 ga yaqin shunga o‘xshash hodisa qayd etilgan.