Saylov kampaniyasini noqonuniy moliyalashtirganlikda ayblanib, besh yilga ozodlikdan mahrum etilgan Fransiyaning sobiq prezidenti Nikolya Sarkozi qamoqdagi birinchi kunidayoq jismoniy mashqlar qilib, kitob yozishni boshladi.
Bu haqda uning advokati Mishel Darrua La Sante qamoqxonasi tashqarisida BFMTV telekanalida aytib o‘tdi.
"U Sarkozi 9 kvadrat metrlik kamerada va u doimo shovqinli", dedi himoyachi. Uning qo‘shimcha qilishicha, sudlangan sobiq prezident tushdan keyin rafiqasi bilan uchrashgan.
"Qamoqdagi birinchi kun dahshatli, ammo u omon qoldi", dedi Darrua, qamoqxona "Club Med" emas ekanligini ta’kidlab, turli mamlakatlardagi kurortlar tarmog‘iga ega bo‘lgan turoperatorga ishora qildi.
Sentyabr oyi oxirida Parij sudi Sarkozini 2007 yilgi saylov kampaniyasini Liviya hukumati tomonidan noqonuniy moliyalashtirganlikda ayblab, besh yillik qamoq jazosiga hukm qilgan edi.
Sobiq prezident, shuningdek, 100 ming yevro miqdorida jarimaga tortildi va besh yilga davlat lavozimlarida ishlash taqiqlandi.
Pokistonda «kelinlar bozori» borligini bilasizmi?
Dunyoning eng qimmat avtomobil brendlari nomi ma’lum bo‘ldi
Ukraina Rossiyani yenga olmaydi...
