Yaponiya Markaziy banki o‘zining o‘ta yumshoq pul-kredit siyosatini qayta ko‘rib chiqdi va 2016 yildan beri deyarli salbiy darajada o‘rnatilgan diskont stavkasini oshirdi.
Qisqa muddatli foiz stavkasi avvalgidek minus 0,1 foiz o‘rniga 0-0,1 foiz qilib belgilandi. Bu so‘nggi 17 yildagi birinchi o‘sishdir.
Shunday qilib, Yaponiya banki dunyoning yetakchi markaziy banklari orasida salbiy foiz siyosatidan voz kechgan oxirgi bank bo‘ldi.
Bundan tashqari, regulyator kerak bo‘lganda pul-kredit siyosatini yumshatish uchun qo‘shimcha choralar ko‘rishdan bosh tortdi.
Koronavirus pandemiyasi davrida dunyoning yetakchi markaziy banklari AQSh Federal rezerv tizimi , Yevropa Markaziy banki va Angliya banki rekord darajaga ko‘tarilgan inflyasiyani jilovlash uchun foiz stavkalarini oshirdi, ammo BoJ iqtisodiy o‘sishni rag‘batlantirish uchun o‘ta yumshoq pul-kredit siyosatini davom ettirdi.
Mamlakatda bu yilgi ish haqining oshishi, ya’ni 33 yil ichida eng yuqori ko‘rsatkich bo‘lib, Yaponiya banki salbiy foiz stavkalarini tugatish uchun chora ko‘radi degan umidlarni kuchaytirdi.
Yaponiyada foiz stavkasining oxirgi o‘sishi 2007 yilga to‘g‘ri keladi. Boshqa yirik sanoatlashgan mamlakatlardan farqli o‘laroq, Yaponiya uzoq vaqtdan beri deflyasiya bilan kurashdi.
Yaponiya bankining agressiv monetar yumshatilishi iyena kursining tez qadrsizlanishiga yordam berdi va bu mamlakatdagi uy xo‘jaliklariga salbiy ta’sir ko‘rsatdi.
Bankning salbiy foiz stavkalaridan chiqishi nafaqat kompaniyalar va uy xo‘jaliklariga, balki global pul oqimiga ham ta’sir qilishi kutilmoqda.
