Yangi Toshkent aeroporti qurilishi sabab 7 ta qabriston ko‘chiriladi

Toshkent viloyati hokimi qaroriga ko‘ra, aeroport qurilishi hududidagi 7 ta faoliyati to‘xtatilgan qabriston boshqa joyga ko‘chiriladi. Ular orasida Quyi Chirchiqdagi "Sergeli bolalar qabristoni" va "Koreys qabristoni", O‘rta Chirchiqdagi "Suvon bag‘ish", "Qudoyqul", "Sariktepa" va "Boris" qabristonlari bor. Qayta dafn ishlari Quyi Chirchiqdagi "Shardara" va rus-koreys, O‘rta Chirchiqdagi "Zaynab ona" va koreys qabristonlarida amalga oshiriladi. Qarorda qayd etilishicha, ko‘chirish va qayta dafn qilish bilan bog‘liq xarajatlar loyihasi doirasida xususiy sherik tomonidan qoplanadi.