Rossiya Tashqi ishlar vazirligi matbuot kotibi Mariya Zaxarovaning ma’lum qilishicha, Lavrov BMT Bosh Assambleyasi doirasida Germaniya tashqi ishlar vaziri bilan uchrashuv o‘tkazmoqda; bu so‘nggi 5 yarim yil ichidagi birinchi shunday uchrashuvdir.
Zaxarovaning so‘zlariga ko‘ra, uchrashuv tashabbusi Germaniya tomonidan bildirilgan. Lavrov Germaniya tashqi ishlar vaziri bilan oxirgi marta 2022 yil 18 yanvarda uchrashgan edi; o‘sha paytda bu lavozimni Annalena Berbok egallab turgan.
"Men sizning oldingizga keldim, lutf ko‘rsatdim” dedi Lavrov Germaniya tashqi ishlar vaziri bilan uchrashuvda.
"Uchrashuv chog‘ida men undan tashrifining maqsadini bayon qilishni so‘radim. U o‘z qaydlarini chiqarib, Germaniya o‘z rahbarlari orqali har kuni rasman va ochiqchasiga e’lon qiladigan gaplarning aynan o‘zini o‘qib berdi.
Men undan hech qanday yangilik eshitmadim. Unda yashirin bir ishora bor edi — o‘zingiz biladigan o‘sha ohang — go‘yoki shunday deyilayotgandek: “Men sizning oldingizga keldim, siz bilan muloqot qilishga lutf ko‘rsatdim; endi esa, men qilgan ushbu xayrixohlik evaziga siz Ukraina frontida ayrim yon berishlarga borishingiz va Qora dengiz mintaqasi bo‘yicha shunday kelishuvni ta’minlashingiz kerakki, natijada tankerlar va quruq yuk kemalari hech qanday muammosiz o‘ta olsin” - degan Lavrov Germaniya Tashqi ishlar vaziri bilan uchrashuv haqida.
Rossiyada bir hafta ichida kasallanganlar soni qariyb 1 millionga yetdi
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
