Yana bir prezident qamoqqa olindi

Boliviyaning sobiq prezidenti korrupsiyada ayblanib qamoqqa olindi, deb xabar bermoqda ABC News

Telekanalning xabar berishicha, Boliviya sudi mamlakatning sobiq prezidenti Luis Arseni korrupsiya ishi bo‘yicha sud jarayoni yakunlanguniga qadar, 5 oy muddatga, qamoqda saqlanishi haqida qaror chiqargan.

Agar Arsening aybi isbotlansa, u olti yilgacha ozodlikdan mahrum etilishi mumkin. Ommaviy axborot vositalari ma’lumotlariga ko‘ra, sobiq prezidentga qarshi korrupsiya ishi mamlakatda siyosiy keskinlikning kuchayishiga olib kelishi ehtimoli bor, chunki u so‘l qanot tarafdorlari orasida katta ta’sir va qo‘llab-quvvatlovga ega.

“Sosializm sari harakat” partiyasi yetakchisi bo‘lgan Luis Arse 2020 yilda Boliviya prezidenti etib saylangandi. Joriy yilgi saylovlarda u yutqazdi.