Яна бир президент қамоққа олинди

Боливиянинг собиқ президенти коррупцияда айбланиб қамоққа олинди, деб хабар бермоқда ABC News

Телеканалнинг хабар беришича, Боливия суди мамлакатнинг собиқ президенти Луис Арсени коррупция иши бўйича суд жараёни якунлангунига қадар, 5 ой муддатга, қамоқда сақланиши ҳақида қарор чиқарган.

Агар Арсенинг айби исботланса, у олти йилгача озодликдан маҳрум этилиши мумкин. Оммавий ахборот воситалари маълумотларига кўра, собиқ президентга қарши коррупция иши мамлакатда сиёсий кескинликнинг кучайишига олиб келиши эҳтимоли бор, чунки у сўл қанот тарафдорлари орасида катта таъсир ва қўллаб-қувватловга эга.

“Социализм сари ҳаракат” партияси етакчиси бўлган Луис Арсе 2020 йилда Боливия президенти этиб сайланганди. Жорий йилги сайловларда у ютқазди.