Yana beshta OTMda harbiy tayyorgarlik o‘quv markazlari tashkil etiladi

Bu haqda Shavkat Mirziyoyev huzurida tashkil etilgan taqdimotda ma’lum qilindi.

Bular — Urganch, Termiz, Andijon davlat universitetlari, Samarqand iqtisodiyot va servis instituti hamda Andijon davlat tibbiyot instituti.

Shuningdek, OTMlarda “Chaqiriqqacha harbiy ta’lim” yo‘nalishi bo‘yicha 3 yillik bakalavriat ta’limi asosida ofiserlar tayyorlash tizimi yo‘lga qo‘yiladi.

Harbiy tibbiyot institutida esa ilk bor klinik ordinatura va magistraturaga qabul qilingan hamda harbiy tayyorgarlikdan o‘tish istagini bildirgan talabalar to‘lov-kontrakt asosida o‘qitiladi.