Eron Harbiy-dengiz kuchlari AQSh esmineslarini Ho‘rmuz bo‘g‘ozidan chiqarib yubordi

AQSh Harbiy-dengiz kuchlarining ikkita esminesi Ho‘rmuz bo‘g‘ozi orqali o‘tishga urinish paytida deyarli yo‘q qilinish xavfi ostida qoldi, deb xabar bermoqda Press TV.

AQShning «USS Michael Murphy» va «USS Frank E. Peterson» (DDG 121) esmineslari bo‘g‘ozdan o‘tishga harakat qilgan, biroq Eron Harbiy-dengiz kuchlari tomonidan to‘xtatilib, ortga qaytishga majbur qilingan.

Telekanal ma’lumotlariga ko‘ra, esmineslar va ularga hamrohlik qilayotgan flot Ho‘rmuz bo‘g‘ozi kirishiga yetganida, ularga Eron raketalari qaratilgan va kemalarga ortga qaytish uchun 30 daqiqa vaqt berilgan.

«AQSh tomonidan amalga oshirilgan bu urinish o‘ta xavfli qadam bo‘ldi va u Qo‘shma Shtatlar hamda uning qurolli kuchlari uchun osongina falokatga aylanishi mumkin edi», — deyiladi materialda.