Xorazmga qariyb 8 million dollar evaziga 80 ta zamonaviy avtobus olib kelinmoqda

Prezident viloyatga tashrifi chog‘ida jamoat transportida yaratilayotgan sharoitlar bilan tanishdi.

Ma’lum qilinishicha, “EVRO-5” standartlariga mos ushbu avtobuslar 70 yo‘lovchiga mo‘ljallangan bo‘lib, past polli dizayni nogironlar va keksalar uchun qulaylik yaratadi. Ularda Wi-Fi va kuzatuv kameralari ham mavjud. Hozirga qadar shundan 50 tasi keltirilgan.

Avvalgi kichik avtobuslarning har biri kuniga 200-300 kishini tashigan bo‘lsa, yangi avtobuslarning har biri ming kishiga xizmat ko‘rsatmoqda. Qatnov oralig‘i 5–12 daqiqagacha qisqardi.