Ijtimoiy tarmoqlarda Xorazm viloyati Bog‘ot tumanidagi uylardan biriga asteroid tushgani haqida xabarlar tarqaldi. Viloyat Favqulodda vaziyatlar boshqarmasi holat yuzasidan munosabat bildirdi.
Ma’lum qilinishicha, kecha, 12 may kuni soat 03:39 da Xorazm viloyati FVBga Bog‘ot tumani «Yuksalish» mahallasi «Obod vatan» ko‘chasi 4-uyda bino dahlizining taxminan 10 kv.m tom qismi qulagani to‘g‘risida xabar kelib tushgan.
«Mazkur holat yuzasidan ijtimoiy tarmoqlarda turli asossiz va haqiqatga to‘g‘ri kelmaydigan ma’lumotlar, xususan, hodisa joyiga asteroid tushgani haqida noto‘g‘ri xabarlar tarqalmoqda», deyiladi boshqarma munosabatida.
Qo‘shimcha qilinishicha, hodisa sodir bo‘lgan manzilda IIB hamda FVBning maxsus laboratoriya xizmatlari tomonidan o‘rganish ishlari olib borilgan. O‘rganishlar davomida hodisa joyida hech qanday fazo jismlari yoki portlash xususiyatiga ega moslamalarning qoldiqlari aniqlanmagan.
Shuningdek, o‘rganishlarda xonadonda 2 ta propan gaz balloni borligi ma’lum bo‘lgan.
Qayd etilishicha, hozirda hodisa yuzasidan tergovga qadar surishtiruv ishlari olib borilmoqda. Hodisaning kelib chiqish sababini aniqlash maqsadida maxsus ekspertiza tayinlangan. Mas’ul boshqarma ekspertiza xulosasiga asosan qo‘shimcha ma’lumotlar berilishini ta’kidladi.
Andijon hokimi Shuhrat Abdurahmonov jinoyat sodir etgani haqida xabarlar tarqaldi
Rossiya S-300/400 maketlari bilan dunyo ko‘zini aldamoqda!
Xotira va qadrlash kunida O‘zbekiston bayrog‘i bilan chiqqan yoshlar rusparastlar qarshiligiga uchradi
