Xomanaiyning vorisini 88 nafar ruhoniydan iborat Ekspertlar Assambleyasi tanlaydi

Xomanaiy vafotidan keyin uning vorisini 88 nafar ruhoniydan iborat Ekspertlar Assambleyasi tanlashi kerak.

CNN xabariga ko‘ra, hozircha rasmiy voris e’lon qilinmagan.

Ehtimoliy nomzodlar orasida quyidagilar tilga olinmoqda:

🟦 Mujtaba Xomanaiy — Xomanaiyning o‘g‘li, Islom inqilobi qo‘riqchilari korpusi (KSIR) bilan aloqalari va ta’siri bor. Biroq u yuqori darajali oyatulloh emas, shuningdek hokimiyatning «meros» tariqasida o‘tishi bahslarga sabab bo‘lmoqda;

🟦 Alireza Arafi — Ekspertlar Assambleyasi raisi o‘rinbosari, diniy isteblishment vakili, ammo siyosiy jihatdan kuchli figura hisoblanmaydi;

🟦 Muhammad Mehdi Mirbageriy — qat’iy konservativ ruhoniy, keskin antig‘arbiy pozisiyasi bilan tanilgan;

🟦 Hasan Xomeyniy — Islom Respublikasi asoschisi Ruhulloh Xomeyniyning nabirasi, ramziy legitimlikka ega, ammo kuch ishlatar tuzilmalarga ta’siri cheklangan;

🟦 Hoshim Husayniy Bushehriy — Ekspertlar Assambleyasi raisining birinchi o‘rinbosari, tizimga yaqin, lekin keng jamoatchilik qo‘llab-quvvatloviga ega emas.

Shuningdek, IRNA agentligi ma’lum qilishicha, Eron Prezidenti, sud hokimiyati rahbari hamda Konstitusiyani himoya qilish kengashi a’zosi Ali Xomanaiy vafotidan so‘ng mamlakatni vaqtincha boshqaradi.