Xoland ECHL tarixidagi eng yaxshi to‘purlar reytingida 9-o‘ringa chiqib oldi

Erling Xoland ECHL tarixidagi eng yaxshi to‘purarlar ro‘yxatida sof 9-o‘ringa ko‘tarildi.

"Manchester Siti" hujumchisi "Monako" bilan o‘yinning birinchi bo‘limida dubl qayd etdi.

Endi norvegiyalik futbolchi hisobida Chempionlar Ligasida 50 ta o‘yinda 52 ta gol bor. U Tyerri Anrini (50 ta gol) ortda qoldirdi va faqatgina Rud van Nistelroy (56), Tomas Myuller (57), Kilian Mbappe (60), Raul (71), Karim Benzema (90), Robert Levandovski (105), Lionel Messi (129) va Krishtianu Ronaldudan (140ta gol) ortda qolmoqda.